தமிழ்நாடு அரசு நெடுஞ்சாலை துறை மற்றும் கம்பம் போக்குவரத்து காவல்துறையினர் இணைந்து சாலை பாதுகாப்பு வார விழிப்புணர்வு பேரணியை கம்பம் நகரில் இன்று வெகு விமர்சையாக நடத்தினார்கள்.

கம்பம் நகரில் தமிழ் நாடு அரசு நெடுஞ்சாலைத் துறையினர் மற்றும் போக்குவரத்து காவல் துறையினர் தலைமையில் சாலை பாதுகாப்பு வார விழிப்புணர்வு பேரணியை உத்தமபாளையம் இணை போலீஸ் சூப்பிரண்டு மதுக்குமாரி கொடியசைத்து
துவக்கி வைத்தார்.

நகரின் முக்கிய வீதிகளில் ஏராளமான பள்ளி மாணவர்கள் சாலை விழிப்புணர்வு குறித்த வாசகங்கள் அடங்கிய அட்டையை கையில் ஏந்திய படி வாகன ஓட்டிகள் பாதுகாப்பான முறையில் சாலை பயணம் மேற்கொள்ள விழிப்புணர்வு கருத்துக்களை கோசமிட்டு சென்றனர்.

காவல்துறை அதிகாரிகள் நெடுஞ்சாலை துறை அதிகாரிகள் மற்றும் போக்குவரத்து காவல்துறை அதிகாரிகள் ஏராளமானோர் ஊர்வலத்தில் கலந்து கொண்டனர்.