சேலம் மாவட்டம் மேச்சேரி காவிரி கலை மற்றும் அறிவியல் கல்லூரியில் உலக போதைப் பொருள் விழிப்புணர்வு நிகழ்ச்சி நடந்தது. மேச்சேரி போலீஸ் இன்ஸ்பெக்டர் மகேந்திரன் கலந்து கொண்டு போதை பொருள்களால் ஏற்படும் பாதிப்புகளையும், கல்வியின் மகத்துவத்தையும் விளக்கி பேசினார். மேலும் போலீஸ் துறையை சேர்ந்த வெங்கடேஷ், ரேணுகா, ராதா மற்றும் போதைப் பொருள் தடுப்பு சிறப்பு காவலர்கள் கலந்து கொண்டு மாணவர்கள் சந்திக்கும் சிக்கல்களையும், அதனை சமாளிப்பது குறித்தும் பேசினர்.
கல்லூரி முதல்வர் செல்வகுமார் வரவேற்றார். காவிரி கல்வி நிறுவனங்களின் கவுரவ தலைவர் நடேசன், தலைவர் அன்பழகன், துணைத்தலைவர் மதன் கார்த்திக், செயலாளர் இளங்கோவன், தாளாளர் ராமநாதன், ஒருங்கிணைப்பாளர் ரேவதி இளங்கோவன், முதன்மை செயல் அலுவலர் சண்முகநாதன், செயல் அலுவலர் கருப்பண்ணன் ஆகியோர் பேசினர். ஏற்பாடுகளை நாட்டு நலப்பணித்திட்ட அலுவலர் கவிதா செய்து இருந்தார்.
