தஞ்சாவூர் தெற்கு மாவட்ட திமுக சார்பில் “நீட் விலக்கு – நம் இலக்கு” கையெழுத்து இயக்க சிறப்பு முகாம் பட்டுக்கோட்டையில் உள்ள அஞ்சாநெஞ்சன் அழகிரி சிலை அருகே நடந்தது.
தஞ்சாவூர் மாவட்டம் பட்டுக்கோட்டையில் தலைமை அஞ்சல் அலுவலகம் எதிரேயுள்ள அஞ்சா நெஞ்சன் பட்டுக்கோட்டை அழகிரி சிலை அருகே தஞ்சை தெற்கு மாவட்ட திமுக ஏற்பாட்டில், ‘நீட் விலக்கு- நம் இலக்கு’ என்ற மாபெரும் கையெழுத்து சிறப்பு முகாம் திமுக தஞ்சை தெற்கு மாவட்ட கழக செயலாளர் கா.அண்ணாதுரை எம்எல்ஏ தலைமையில் நடந்தது. பேராவூரணி திமுக எம்எல்ஏ நா. அசோக்குமார் முன்னிலையில், தஞ்சை தெற்கு மாவட்ட திமுக இளைஞர் அணி அமைப்பாளர் ஆதி.ராஜேஷ், திமுக மாணவர் அணி அமைப்பாளர் பாலமணிகண்டன், திமுக மருத்துவர் அணி அமைப்பாளர் டாக்டர்.சௌந்தர்ராஜன் ஆகியோர் சார்பில் நடந்த நீட் விலக்கு கையெழுத்து இயக்கத்தில் திமுக மாவட்ட கழக துணை செயலாளர்கள், அனைத்து நகர கழக செயலாளர்கள், ஒன்றிய கழக செயலாளர்கள், உள்ளாட்சி பிரதிநிதிகள் உள்ளிட்ட அனைத்து சார்பு அணி அமைப்பாளர், துணை அமைப்பாளர்கள், திமுக கிளை கழக நிர்வாகிகள் திரளாக கலந்து கொண்டு கையெழுத்திட்டனர். மேலும் பட்டுக்கோட்டை பெரிய தெரு கடை வீதியில் அனைத்து கடைகளுக்கும் சென்று நீட் எதிர்ப்பு குறித்து விளக்கம் கூறி கையெழுத்து பெறப்பட்டு, அதற்கான பெட்டியில் கடிதங்கள் போடப்பட்டது.
தஞ்சாவூர் மாவட்ட செய்தியாளர்
A. பிரபு
