தேனி மாவட்டம்,கம்பம் அருள்மிகு மந்தையம்மன் கோயில் திருவிழாவை முன்னிட்டு கம்பம்-உத்தமபுரம் பிரமலைக் கள்ளர் இளைஞரணி மகாசபை சார்பில் இரட்டை மாட்டு எல்கை பந்தயம் நடைபெற்றது.சமுதாயத் தலைவர் ராமச்சந்திரன் தலைமை வகித்தார். பெரிய மாடு,நடுமாடு,கரிச்சான் மாடு, பூஞ்சிட்டு, தேன்சிட்டு,தட்டான் சிட்டு,நான்கு பல் மாடு உள்ளிட்ட ஏழு பிரிவுகளில் போட்டி நடைபெற்றது.தேனி மாவட்டம் மட்டுமின்றி பல்வேறு மாவட்டங்களில் இருந்து வீரர்கள் கலந்து கொண்டனர்.போட்டியில் வெற்றி பெற்றவர்களுக்கு ரொக்க பரிசு கேடயம் மற்றும் சிறப்பு பரிசு வழங்கப்பட்டது. விழாவில் பிரமலைக்கள்ளர் சமுதாயத்தைச் சேர்ந்த முக்கிய பிரமுகர்கள்,நிர்வாகிகள் கலந்து கொண்டனர்.
